കാർഗിൽ വിജയ് ദിവസ് ആഘോഷിച്ചു

കാക്കവയൽ ∙ കേരള സ്റ്റേറ്റ് എക്സ് സർവീസ് ലീഗ് (കെഎസ്ഇഎസ്എൽ) കാർഗിൽ വിജയ് ദിവസ് ആഘോഷിക്കുകയും വീരമൃത്യു വരിച്ച ധീര ജവാന്മാർക്ക് കാക്കവയൽ ജവാൻ സ്മൃതി മണ്ഡപത്തിൽ ആദരാഞ്ജലികൾ അർപ്പിക്കുകയും ചെയ്തു. ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ ഉദ്ഘാടനം ചെയ്തു. 

ജില്ലാ പ്രസിഡന്റ് പി.പി. മത്തായിക്കുഞ്ഞ് അധ്യക്ഷത വഹിച്ചു. സെക്രട്ടറി വി. അബ്ദുല്ല, ഡിസിസി പ്രസിഡന്റ് എൻ.ഡി. അപ്പച്ചൻ, മീനങ്ങാടി പഞ്ചായത്ത് പ്രസിഡന്റ് കെ.ഇ. വിനയൻ, ലഫ്റ്റനന്റ് കേണൽ ഹരിദാസ്, കെ.എം. ഏബ്രഹാം, ക്യാപ്റ്റൻ വിശ്വനാഥൻ, ക്യാപ്റ്റൻ ശശീന്ദ്രൻ, ജോയ് ജേക്കബ്, രവീന്ദ്രൻ കോട്ടത്തറ, രവീന്ദ്രൻ വെള്ളമുണ്ട എന്നിവർ പ്രസംഗിച്ചു.