വ്യാജ ഫെയ്സ്ബുക് അക്കൗണ്ട് നിർമിച്ചു പണം തട്ടാൻ ശ്രമം

ചാലിശേരി ∙ യുഎസിൽ താമസിക്കുന്ന ചാലിശേരി സ്വദേശി ഫാ. ഗീവർഗീസ് ജേക്കബിന്റെ വ്യാജ ഫെയ്സ്ബുക് അക്കൗണ്ട് നിർമിച്ചു പണം തട്ടാൻ ശ്രമം. വൈദികന്റെ സുഹൃത്തും നാട്ടുകാരനുമായ കൊള്ളന്നൂർ കെ.ജി.സണ്ണിക്കാണു ഒരു മൊബൈൽ നമ്പറിലേക്ക് 30,000 രൂപ അയയ്ക്കാൻ ആവശ്യപ്പെട്ടു സന്ദേശം ലഭിച്ചത്.

20,000 രൂപ അയയ്ക്കാം എന്നു സമ്മതിച്ച ശേഷം വൈദികന്റെ തറവാട്ടു വീട്ടിലെത്തി വിവരം പറഞ്ഞതോടെയാണു തട്ടിപ്പാണെന്നു മനസ്സിലായത്. ഗൂഗിൾ പേ ചെയ്യാൻ ആവശ്യപ്പെട്ടു നൽകിയ നമ്പറിൽ വിളിച്ചു നോക്കിയെങ്കിലും സ്വിച്ച് ഓഫ് ആയിരുന്നു. വൈദികന്റെ മറ്റു സുഹൃത്തുക്കൾക്കും ഇത്തരത്തിൽ സന്ദേശങ്ങൾ ലഭിച്ചിരുന്നു.  പൊലീസിൽ പരാതി നൽകി.