പേരക്കുഴി ഗവ.എൽപി സ്കൂൾ കെട്ടിടത്തിന്റെ സീലിങ് വീണു

പാലോട്∙ പേരക്കുഴി ഗവ.എൽപി സ്കൂളിൽ ക്ലാസ് മുറികൾ പ്രവർത്തിക്കുന്ന പഴയ ഓടിട്ട കെട്ടിടത്തിന്റെ സീലിങ് പാളികൾ ഇളകിവീണു. കുട്ടികൾ ഉണ്ടായിരുന്നില്ല. 250 കുട്ടികൾ പഠിക്കുന്ന സ്കൂളിലെ 80 വർഷത്തോളം പഴക്കമുള്ള ഓടിട്ട കെട്ടിടം ചോർന്നൊലിച്ചും മേൽക്കൂരകൾ ദ്രവിച്ച നിലയിലുമാണ്. ഈ കെട്ടിടത്തിൽ അഞ്ച് ക്ലാസ് മുറികളാണ് പ്രവർത്തിക്കുന്നത്. മറ്റ് ക്ലാസുകൾ സമീപത്തെ ബിആർസിയുടെ പരിശീലന ഹാളിലും തെറപ്പി സെന്ററിലും സ്കൂളിന്റെ ലൈബ്രറി കെട്ടിടത്തിലുമാണ് പ്രവർത്തിക്കുന്നത്.