പെരുമ്പാമ്പിനെ പിടികൂടി

പാറത്തോട് ∙ തൊഴിലുറപ്പ് ജോലിക്കിടെ പെരുമ്പാമ്പിനെ പിടികൂടി. പാലപ്ര പുതുപറമ്പിൽ സേവ്യർ തോമസിന്റെ പുരയിടത്തിൽ നിന്നുമാണ് പാമ്പിനെ പിടികൂടിയത്. തൊഴിലുറപ്പ് തൊഴിലാളികൾ ജോലി ചെയ്യുന്നതിനിടെ പെരുമ്പാമ്പിനെ കാണുകയായിരുന്നു. തുടർന്ന് പഞ്ചായത്തംഗം കെ.പി.സുജീലനെ വിവരമറിയിക്കുകയും ഇദ്ദേഹം എത്തി നാട്ടുകാരുടെ സഹായത്തോടെ പാമ്പിനെ പിടികൂടുകയുമായിരുന്നു. പാമ്പിനെ എരുമേലിയിൽ നിന്ന് വനപാലകരെത്തി കൊണ്ടുപോയി.