കനത്ത മഴയിലും കാറ്റിലും നിടുവള്ളൂരിൽ വ്യാപക കൃഷിനാശം

ഇരിക്കൂർ ∙ കനത്ത കാറ്റിലും മഴയിലും നിടുവള്ളൂരിൽ കൃഷിനാശം. ഒട്ടേറെ കർഷകരുടെ വിളവെടുക്കാറായ നേന്ത്രവാഴകൾ നിലംപൊത്തി. സി.എൻ.താജുദ്ദീന്റെ നൂറോളം വാഴകളും വി.പി.മുസ്തഫയുടെ 70, എം.മുഹമ്മദിന്റെ 65, കെ.കെ.താജുദ്ദീന്റെ 55,  ടി.പുരുഷോത്തമന്റെ അറുപതോളം വാഴകളുമാണ് നശിച്ചത്. ഒന്നര ലക്ഷം രൂപയുടെ നഷ്ടം കണക്കാക്കുന്നു. കൃഷി വകുപ്പ് അധികൃതർ സ്ഥലം സന്ദർശിച്ചു.