മരം വീണ് വീട് തകർന്നു

പുത്തലം∙ അയൽവാസിയുടെ കൃഷിയിടത്തിലെ മരം വീണ് വീട് ഭാഗികമായി തകർന്നു. കോളയാട് പഞ്ചായത്തിലെ പുത്തലത്ത് വണ്ണത്താൻ പ്രീതയുടെ വീടിന് മുകളിലാണ് മരം വീണത്. കാറ്റിൽ കടപുഴകിയാണ് മരം വീണത്. പ്രീത വീട്ടിൽ ഉണ്ടായിരുന്നു എങ്കിലും നിസ്സാര പരുക്കുകളോടെ രക്ഷപ്പെട്ടു. ഈ മരം മുറിച്ചു നീക്കുന്നത് സംബന്ധിച്ച് അയൽവാസിയോട് നേരത്തെ സൂചിപ്പിച്ചിരുന്നതായി പ്രീത പറയുന്നു.

ചിറ്റാരിപ്പറമ്പ് ∙ കനത്ത മഴയിൽ ചിറ്റാരിപ്പറമ്പ് കളരിക്കലെ കരിയാട് വിബിന്തിന്റെ ഉടമസ്ഥതയിലുള്ള വീടിന്റെ രണ്ടാം നിലയിലെ ഓടിനു മുകളിലായി മരം വീണ് ഓടുകൾ തകർന്നു. വീട്ടുവളപ്പിലെ തെങ്ങാണ് കനത്ത മഴയിൽ കടപുഴകി വീണത്