Dev Sample

ബർലിൻ ∙ ലമീൻ യമാലും നിക്കോ വില്യംസും ഡാനി ഒൽമോയും മാത്രമല്ല, സ്പെയിൻ ടീം ഒന്നാകെയാണു താരം! യൂറോ കപ്പ് ഫുട്ബോളിൽ ഇംഗ്ലണ്ടിനെ 2–1നു തോൽപിച്ച് ചാംപ്യന്മാരായ സ്പാനിഷ് ടീം ലോകത്തെ അമ്പരപ്പിച്ചത് അവരുടെ സംഘശക്തികൊണ്ടും ടീം മികവുകൊണ്ടുമാണ്. ഫസ്റ്റ് ഇലവൻ മുതൽ അവസാനം സബ്സ്റ്റിറ്റ്യൂട്ട് ചെയ്ത താരങ്ങൾ വരെ സ്പെയിൻ കോച്ച് ലൂയിസ് ഡെ ലാ ഫുവന്തെയുടെ ഗെയിം പ്ലാൻ വിജയകരമായി നടപ്പാക്കി.